Fluechrütz
In Stüsslingen gibt es gar ein Pestkreuz
Dieses trägt ebenfalls eine sehr interessante Geschichte:
Einisch isch zStüsslige der schwarz Tod umgange. Im Ungerdorf hed es Meitschi d Stross uuf gluegt und gseit: «Jeh, dÖrt bringe si scho wider e Wage voll!» Me hed däi Zyt nümme gnue Totebäum uf broocht. Di Pesttote hed me ines Lyntuech glyred und am Morge a Strosserand gleit. Denn isch der Lychewage mit zwee Fuerme sDorf ab gfahre und hed se ufglade. – Bis däi Tag der Wagen im Dorf unge gsi isch, hed s Meitschi d Chranked au gha und isch umtrooled. No di glychligi Nacht ischs gstorbe und mörnderisch heis die zwee Totegreber müesen uflade. Zäh Toti hed me denn einist a eim Tag is glyche Grab müese tue.
Es angers Mol isch der schwarz Tod im Ungerdorf vo Huus zu Huus gange. Däismol isch dört ume no der Chilchesigerist föörblibe. Dä hed e Stimm vom Himmel köört:
Ässeä nit vill Chees, trinked ab Turmedilt und Bibernäll, de wärdet dir stärbe nit so schnält!
Das hed der Sigerist gmacht und au dene Lüten im Dorf obe gseit. Die vom Oberdorf hei aber au no ne Pater lo choo. Dä hed die wüesti Chranked benediziert. Dö hed me se vorem Grändel dhöne stelle. Drum hed me zum Dank dÖrt es Pestchrüzli ufgstellt.
Im Unterdorf si jetz fast alli Hüser usgstorbe gsi und leer gstange. Do hei se Fründen und Verwandti usem Grändel ungernanger ufteitl und si dry go wohne.
I der Krisezyt isch 1936 dStüssliger Dorfstrooss neu gmacht worde. Do heds es Derfür und Derwider gee, öb das Pestchrüzli mües wyche. Alti Lüt hei gseit: «A däm Pestchrüzli sett me nit rüttle. Bi däm hed bis jetz jedes Ungfell und jedi Chranked Halt gmacht: Zerst hed men a deer SteII d Pest chöne stelle. Derno, vor öppe hundertfüfzg Johre, wo der Grändel brönnt hed, isch sFüür bi däm Chrüzli zum Stillstand choo. Und ane nünzähni, wo d Chlauesüüch regiert hed, isch si ungenufe choo bis zus Fidees. Oben am PestchrÜzli
si alli verschont blibe. Drum sett me das ehrwürdige Steinli nit zum alten Yse gheie, au wenns noo so verwittered und unschynbar usgseht.» Die drei wichtige Gründ hei de Stüssliger und dene wo dStross verbreitered hei, yglüchted. Drum macht jetz d Dorfstrooss a sälber SteII e Rank, und s alte Pestchrüzli hed dörfe bliebe.